ACCA

Ümumi məlumat

ACCA (the Association of Chartered Certified Accountants) - İmtiyazlı Sertifikatlaşdırılmış Mühasiblər Assosiasiyası 179 ölkədə 227 min üzvü olan, sertifikat və diplomları beynəlxalq şirkətlər tərəfindən qəbul edilən dünyanın ən böyük mühasibat təşkilatıdır.

ACCA kvalifikasiyası maliyyə, mühasibat uçotu və audit sahələri üzrə beynəlxalq əmək bazarının tələblərini özündə əks etdirən, peşəkar bilik, bacarıq və yeniliklər, o cümlədən işgüzar dəyər formalaşdıran peşəkar kvalifikasiya hesab olunur.

Dövlət İmtahan Mərkəzi (DİM) ACCA təşkilatının rəsmi Test Mərkəzi kimi təşkilatın beynəlxalq imtahan mərkəzlərinə dair məlumat sistemində 26501944 kodu ilə qeydiyyata alınmışdır. DİM-in ACCA kvalifikasiyalarını həyata keçirmək üçün əldə etdiyi rəsmi lisenziya keçiddə əksini tapmışdır.

Ətraflı

Xəbərlər

29.07.2020

Dövlət İmtahan Mərkəzi ilə İmtiyazlı Sertifikatlaşdırılmış Mühasiblər Assosiasiyası (ACCA) arasında rəsmi tərəfdaşlığa başlanılıb

Qeydiyyat

Namizəd ACCA imtahanına qeydiyyatdan keçmək üçün tam orta təhsil haqqında sənədə sahib olmalıdır. ACCA üzvlüyünə daxil olmaq üçün 11 imtahan verməli və müvafiq sahələrdə (maliyyə, mühasibat uçotu və audit) 3 illik iş təcrübəsinə malik olduğunu göstərməlidir. Bunun üçün aşağıdakı imtahanları vermək lazımdır:

1. Mühasibat uçotunun əsasları üzrə proqramlar (Foundations in Accountancy)

FA1 Maliyyə əməliyyatlarının qeydiyyatının aparılması (Recording Financial Transactions)
MA1 İdarəetmə məlumatları (Management Information)
FA2 Maliyyə qeydlərinin aparılması (Maintaining Financial Records)
MA2 Xərclərin və maliyyənin idarə edilməsi (Managing Costs and Finance)
FBT Biznes və Texnologiya (Business and Technology)
FMA İdarəetmə uçotu (Management Accounting)
FFA Maliyyə uçotu (Financial Accounting)

2. ACCA kvalifikasiyası (ACCA Qualification)

BT Biznes və Texnologiya (Business and Technology)
MA İdarəetmə uçotu (Management Accounting)
FA Maliyyə uçotu (Financial Accounting)
LW Korporativ və biznes hüququ (Corporate and Business Law ENG & GLO)

DİM-də ACCA imtahanları kompüter əsaslı formada keçirilir və namizəd müvafiq qaydada qeydiyyatdan keçməklə DİM-in test mərkəzində imtahan verə bilər.

Qeydiyyat prosesi

Namizəd ACCA imtahanlarına aşağıdakı qaydada qeydiyyatdan keçə bilər:

1. ACCA rəsmi saytına daxil olaraq myACCA səhifəsində hesab yaratmaq;

2. Email vasitəsilə aşağıdakı məlumatları DİM-ə təqdim etmək (imtahan günündən ən azı 10 gün əvvəl):

myACCA hesabından namizədə verilən qeydiyyat nömrəsi (ACCA registration number);
Namizədin adı, soyadı, doğum tarixi;
Namizədin şəxsiyyət vəsiqəsinin skan edilmiş surəti;
Namizədin telefon nömrəsi;
ACCA imtahanının adı;
ACCA imtahanının tarixi və vaxtı.

Namizəd yuxarıda qeyd olunan məlumatları f.mammadova@dim.gov.az email ünvanına göndərdikdən sonra imtahana dair sorğu qəbul olunmuş hesab edilir və namizədə DİM-in rəsmi bank hesabı haqqında məlumat göndərilir. Namizəd ödənişin edilməsi ilə bağlı təsdiq sənədini təqdim etdikdən sonra, namizədə imtahana qeydiyyatı haqqında ətraflı məlumat ilə birlikdə təsdiq emaili göndərilir.

Sənədlər

Təqvim

FAQ

Geriyə

Mühasibat Uçotunun əsasları üzrə proqramlar	Funt sterlinq	AZN
FA1 Maliyyə əməliyyatlarının qeydiyyatının aparılması	89.45	197.00
MA1 İdarəetmə məlumatları	89.45	197.00
FA2 Maliyyə qeydlərinin aparılması	89.45	197.00
MA2 Xərclərin və maliyyənin idarə edilməsi	89.45	197.00
FBT Biznes və Texnologiya	89.45	197.00
FMA İdarəetmə uçotu	89.45	197.00
FFA Maliyyə uçotu	89.45	197.00
ACCA kvalifikasiyası
BT Biznes və Texnologiya	89.45	197.00
MA İdarəetmə uçotu	89.45	197.00
FA Maliyyə uçotu	89.45	197.00
LW ENG & GLO Korporativ və biznes hüququ	106.70	235.00