International Computer Driving Licence
ICDL haqqında
Avropada Kompüter Bacarıqları üzrə Sertifikat (ECDL) Mərkəzinin qeyri-kommersiya təşkilatı kimi rəsmi əsası 1997-ci ildə, İrlandiyanın Dublin şəhərində qoyulmuşdur.
Kompüterdən İstifadəyə dair Beynəlxalq Lisenziya– “International Computer Driving Licence” (ICDL) Avropa və Asiyanın bir sıra qabaqcıl ölkələrində, ümumilikdə 100-dən artıq ölkədə (Böyük Britaniya, Almaniya, Fransa, Çin, Koreya, Yaponiya, Türkiyə və s.) 14 milyondan çox insanın kompüterdən və kompüter proqramlarından istifadə etmək üçün lazım olan bilik və bacarıqlarını ölçən beynəlxalq dərəcəli sertifikatlaşdırma proqramıdır. Namizədlər ixtisas və peşə tələblərinə uyğun olaraq ICDL-in müvafiq modullarından imtahan verib, sertifikat ala bilirlər.
ICDL Mərkəzi ilə Azərbaycan Respublikası Dövlət İmtahan Mərkəzi (DİM) arasında DİM-in ICDL-in Azərbaycandakı Akkreditasiya olunmuş Test Mərkəzi (ATM) olmasına dair razılıq əldə edilmiş və Mərkəz AZ001 kodu ilə qeydiyyata alınmışdır. Beləliklə, DİM kompüter bacarıqlarını sertifikatlaşdırmaq istəyən namizədlər üçün ICDL beynəlxalq imtahanlarını təklif edir.
Qeyd edək ki, 2022-ci il 1 iyul tarixində DİM “Yüksəliş” müsabiqəsinin yarımfinal mərhələsi üçün ICDL - Computer və Onlayn Essentials modulu üzrə 320 namizədə imtahan keçirmişdir.
İmtahan haqqında
ICDL imtahanları 3 kateqoriyalı modullardan ibarətdir:
| ICDL Workforce | ICDL Professional | ICDL Insights |
| Application Essentials Computer and Online Essentials Documents Spreadsheets Presentation Teamwork Cyber Security Data Protection Remote Work |
Presentation (Advanced) Documents (Advanced) Web Editing 2D Design 3D Design Image Editing Digital Marketing Project Planning E-Commerce Management Spreadsheets Financial Spreadsheets Data Analytics Coding Principles Using Databases Databases (Advanced) ICT in Education |
Cloud Computing Big Data Artificial Intelligence Internet of Things |
ICDL-in yuxarıda qeyd olunan modulları üzərindəki keçidə keçməklə müvafiq modullara daxil olub, onlar barədə məlumat əldə etmək mümkündür.
- İmtahan modullarının hər biri üçün minimum keçid faizi 75 faiz təşkil edir.
- Hər bir imtahan modulu üçün müddət 45 dəqiqədir.
ICDL imtahanları kompüter əsaslıdır və namizədlər imtahanda iştirak etmək üçün DİM-in test mərkəzinə gəlməklə kompüter üzərindən verməlidirlər.
ICDL test mərkəzinin ünvanı: Bakı şəhəri, Binəqədi rayonu, S.S.Axundov küç., 108
ICDL Sertifikatı
Namizədlər müvafiq modul imtahanının nəticəsini öz imtahan profillərində görə bilir, eyni zamanda imtahanı uğurla keçmiş namizədlər rəsmi sertifikatlarının pdf versiyalarını profildən əldə edə, həmçinin Linkedin platformasına birbaşa keçid edərək sertifikatlarını paylaşa bilərlər. Qeyd edək ki, namizədin seçimindən asılı olaraq, ICDL-in rəsmi sertifikatı mərkəz tərəfindən poçtla göndərilir..
Qeydiyyat prosesi
İmtahanda iştirak etmək üçün qeydiyyat linki:https://eservices.dim.gov.az/iexams/az/login.aspx
Hazırlıq materialları
Namizəd ICDL-in rəsmi e-kitab və praktiki materialları, həmçinin diaqnostik test imkanını qeydiyyatdan keçdikdən sonra Skillsbox Test adlı sistem vasitəsilə əldə edə bilər.
DİM tərəfindən keçirilən ICDL imtahanına qeydiyyat, imtahanın keçirilmə qaydaları və nəticələrin öyrənilməsinə dair sual və ya təkliflər ilə bağlı müraciət etmək üçün əlaqə vasitələri: