1-5 dekabr tarixlərində seminarlarda Azərbaycan dili fənni üzrə Azərbaycan Respublikası Dövlət Sərhəd Xidməti Xüsusi Məktəbinin V sinifinə qəbul, informatika fənni üzrə I (Rİ altqrupu), kimya fənni üzrə I və IV, ədəbiyyat (rus bölməsi) fənni üzrə III, riyaziyyat fənni üzrə II ixtisas qrupları üzrə imtahan modellərinə uyğun tapşırıq nümunələrinə baxılıb. Hər bir tapşırıq müvafiq fənn kurikulumunun təlim nəticələri, məzmun standartlarının tələbləri nəzərə alınmaqla mövzu, məzmun, mürəkkəblik dərəcəsi və relevantlıq kateqoriyası baxımından müzakirə edilib və müvafiq fənlər üzrə imtahan modelinə uyğun tapşırıq nümunələrinin seçilməsi prosesi başa çatıb.
Müzakirələrdə qəbul edilmiş imtahan modellərinə uyğun tapşırıq nümunələri “Abituriyent” jurnalının 1-ci sayında dərc ediləcəkdir.
3 dekabr tarixində fizika fənni üzrə seminarda 1 iyun 2025-ci il tarixində I və IV ixtisas qrupları üçün keçirilmiş qəbul imtahanlarında istifadə edilmiş test tapşırıqlarının, 4 dekabr tarixində biologiya fənni üzrə seminarda 1 iyun 2025-ci il tarixində IV ixtisas qrupu üçün keçirilmiş qəbul imtahanında istifadə edilmiş test tapşırıqlarının, tarix fənni üzrə seminarda isə 25 may 2025-ci il tarixində II və III ixtisas qrupları üçün keçirilmiş qəbul imtahanlarında istifadə edilmiş test tapşırıqlarının, 5 dekabr tarixində coğrafiya fənni üzrə seminarda 25 may 2025-ci il tarixində II və III (TC altqrupu) ixtisas qrupları üçün keçirilmiş qəbul imtahanlarında istifadə edilmiş test tapşırıqlarının müzakirəsi həyata keçirilib. Hər bir tapşırıq müvafiq fənn kurikulumunun təlim nəticələri, məzmun standartlarının tələbləri nəzərə alınmaqla mövzu, məzmun, mürəkkəblik dərəcəsi və relevantlıq kateqoriyası baxımından müzakirə edilib.
Seminarlarda orta ümumtəhsil və ali təhsil müəssisələrinin müəllimləri, metodistlər və Azərbaycan Milli Elmlər Akademiyasının Elm və Təhsil Nazirliyinin tabeliyində olan institutlarının müvafiq fənlər üzrə mütəxəssisləri iştirak ediblər. Eyni zamanda DİM-in regional bölmələri (Naxçıvan, Gəncə, Şirvan, Lənkəran, Şəki, Bərdə, Xaçmaz, Şəmkir, Göyçay) ilə onlayn bağlantı vasitəsilə həmin bölgələrdəki müəllimlər də müzakirələrə qoşulublar.
Seminarlara DİM-in regional bölmələrindən onlayn rejimdə qoşulmuş müəllimlər: Azərbaycan dili fənni üzrə Şəki rayonu Kiş kənd tam orta məktəbinin müəllimi Məmmədov Bəhruz, biologiya fənni üzrə Gəncə şəhəri 34 nömrəli tam orta məktəbin müəllimi Quliyeva Nərgiz, tarix fənni üzrə Samux rayonu Qarabağlar kənd tam orta məktəbinin müəllimi Yusifov Rövşən, Naxçıvan şəhəri 5 nömrəli tam orta məktəbinin müəllimi Quliyev Pərviz, Astara rayonu 1 nömrəli tam orta məktəbin müəllimi Məlikzadə Gülnar, coğrafiya fənni üzrə Naxçıvan şəhəri 5 nömrəli tam orta məktəbinin müəllimi Hüseynov Tural, Bərdə rayonu Bəciravan kənd tam orta məktəbini müəllimi Əmiraslanov Ramin, riyaziyyat fənni üzrə Naxçıvan şəhəri 5 nömrəli tam orta məktəbinin müəllimi İbrahimova Leyla, Ağdam rayonu 1 nömrəli tam orta məktəbin müəllimi Əliyeva Vüsalə müzakirələrdə aktiv iştirak edib, müzakirə edilən məsələlər baradə öz fikirlərini bildiriblər.
Müzakirələr növbəti həftə davam etdiriləcəkdir.
