Bakalavrların nəzərinə çatdırırıq ki, Azərbaycan Respublikasının Elm və Təhsil Nazirliyinin Dövlət İmtahan Mərkəzinə müraciəti nəzərə alınaraq magistratura səviyyəsinin SABAH qruplarının cədvəldə göstərilən boş qalan yerlərinə ödənişli əsaslarla da qəbul aparılacaq.
Qeyd olunan SABAH qrupları üzrə ixtisaslaşmaları müsabiqə şərtlərini ödəyən bütün bakalavrlar (3 – 10 iyulda müvafiq ali təhsil müəssisəsi tərəfindən yaradılmış müsahibə komissiyasından keçməsindən asılı olmayaraq) seçə bilərlər.
Plan yerləri ilə bağlı müvafiq dəyişiklik nəzərə alınaraq ərizəsini təsdiq etmiş bakalavarlar elektron ixtisaslaşma seçimi ərizəsinə daxil olub seçimini ləğv etməklə yenidən ixtisaslaşma seçimi edə bilərlər.
Xatırladaq ki, ali təhsil müəssisələrinin magistraturalarının boş qalan plan yerlərinə ixtisaslaşma seçiminin müddəti uzadılıb və 22 avqust saat 23:59-dək davam edəcək.
İxtisaslaşmaları seçib təsdiq etməyən, eləcə də müsabiqədə iştirak etmək istəyən, lakin ixtisaslaşma seçimi etməmiş bakalavrlara tövsiyə olunur ki, qeyd olunan müddətə qədər ərizələrini təsdiq etsinlər.
Müsabiqəyə yalnız 22 avqust saat 23:59-dək "Bakalavrın elektron ixtisaslaşma seçimi ərizəsi"ndə ixtisaslaşmaları seçmiş və təsdiq etmiş bakalavrlar buraxılacaqlar.