2019-cu il 12 dekabrda tarix fənni üzrə keçirilən elmi-metodiki seminarda Ulu Öndər Heydər Əliyevin həyat və fəaliyyəti barədə BDU-nin kafedra müdiri, dosent, seminar rəhbəri Kərəm Məmmədov məruzə edib.
Məruzədə Heydər Əliyevin müasir, müstəqil Azərbaycan Respublikasının banisi kimi fəaliyyəti dövründə xalqın ictimai-siyasi, iqtisadi və mədəni həyatının bütün sahələrində əsaslı dönüş yaratması qeyd edilib. Bildirilib ki, Heydər Əliyevin siyasi kursu, əsasını qoyduğu daxili və xarici siyasət strategiyası Azərbaycanı daim irəliyə aparır. Ötən illərə nəzər salarkən Azərbaycan xalqının öz müdrik liderinin rəhbərliyi ilə qazanmış olduğu mühüm tarixi nailiyyətlərin bir daha şahidi oluruq. Müstəqilliyimiz məhz onun sayəsində əbədi və dönməz xarakter alıb. Ölkəmiz dünyada layiq olduğu yerə ulu öndərin uzaqgörənliyi, qətiyyəti, zəngin dövlətçilik təcrübəsi sayəsində yüksələ bilib.
Daha sonra tədbirdə çıxış edən seminar iştirakçıları da ümummilli liderimizin keçdiyi həyat yolu və fəaliyyətindən geniş söz açıblar.