Dövlət İmtahan Mərkəzinin Direktorlar Şurasının sədri Məleykə Abbaszadə növbəti buraxılış və qəbul imtahanlarının keçirilməsi ilə əlaqədar 17 iyul 2020-ci il tarixində onlayn mətbuat konfransı keçirib.
DİM Direktorlar Şurasının sədri M. Abbaszadə qeyd edib ki, sərtləşdirilmiş karantin rejiminin tətbiq olunması nəzərdə tutulan şəhər və rayonlarda imtahanların keçirilməsi ilə bağlı Dövlət İmtahan Mərkəzinin Direktorlar Şurasının müraciətinə Nazirlər Kabineti yanında Operativ Qərargah tərəfindən müsbət cavab verilib və növbəti həftədən etibarən imtahanların keçirilməsinə başlanılacaq.
Sədr bildirib ki, 23-24 iyul tarixlərində imtahan keçiriləcək rayon və şəhərlər, imtahanda iştirak etməli olan şəxslər və imtahanların növləri barədə yaxın 2 gün ərzində məlumat veriləcək.
Daha sonra sədr magistraturaya qəbul olunanların qeydiyyatı, subbakalavrların ərizə qəbulu, rezidenturaya qəbul imtahanları, həmçinin dövlət qulluğuna qəbul, onlayn müsahibələr və s. haqqında məlumat verib və jurnalistləri maraqlandıran sualları cavablandırıb.
Mətbuat konfransını DİM-in “Facebook” səhifəsindən izləyə bilərsiniz.