Dövlət İmtahan Mərkəzi tərəfindən 24 noyabr 2025-ci il tarixində Azərbaycan Respublikasının Elm və Təhsil Nazirliyinin əməkdaşları üçün “Dövlət qulluğunda gender bərabərliyi” mövzusunda onlayn formada təlim keçirilib.
Təlim zamanı Dövlət İmtahan Mərkəzinin Dövlət strategiyası ilə iş və insan kapitalının inkişafı şöbəsinin böyük məsləhətçisi Miranə Rüstəmli tərəfindən gender bərabərliyi, karyera və gender stereotipləri, işəgötürmə zamanı gender balansı ilə bağlı nəzərə alınmalı əsas məqamlar, əmək fəaliyyəti prosesində gender rollarının, normalarının və münasibətlərinin idarə olunması, iş elanlarında diskriminasiya halları barədə iştirakçılara məlumat verilib. Eyni zamanda təlim iştirakçıları ilə müxtəlif müzakirələr aparılıb.