19 noyabr 2025-ci il tarixində Dövlət İmtahan Mərkəzinin İstedadın psixometrik diaqnostikası və maarifləndirmə sektorunun əməkdaşı Sevinc Məmmədova tərəfindən Gənclər və İdman Nazirliyinin əməkdaşları üçün “Effektiv nəticələrin əldə edilməsi: Çeviklik və zamanın düzgün idarəedilməsi” mövzusunda təlim keçirilib.
Təlim zamanı iştirakçılar iş fəaliyyətlərini daha səmərəli planlaşdırmaq, dəyişikliklərə operativ uyğunlaşmaq, prioritetləri düzgün müəyyənləşdirmək, vaxt resursunu optimal şəkildə idarə etmək və konkret nəticələrə yönəlik iş davranışını gücləndirmək bacarıqları barədə məlumat əldə ediblər. Nəticələrin idarə olunması, fərdi məhsuldarlıq, çevik düşünmə və vaxtın optimal istifadəsi kimi mövzular üzrə praktiki tapşırıqlar yerinə yetirilib.
Sonda iştirakçıların sualları cavablandırılıb.
