Təhsilin Qiymətləndirilməsi üzrə Beynəlxalq Assosiasiyanın (IAEA) 50 illik yubiley bülletenində Dövlət İmtahan Mərkəzinin 10 illik yubileyi ilə bağlı təbrik ünvanlanıb və təhsilin qiymətləndirilməsi və dövlət qulluğu sahəsində fəaliyyətinə həsr olunmuş məqalə dərc olunub.
Məqalədə IAEA prezidenti Mafu S.Rakometsi yubiley münasibətilə DİM-ə təbriklərini çatdıraraq Assosiasiya ilə DİM arasında uzun illər ərzində formalaşmış əməkdaşlığı yüksək qiymətləndirib. Qeyd olunub ki, DİM (əvvəlki TQDK-nın fəaliyyəti də daxil olmaqla) 1999-cu ildən Təhsilin Qiymətləndirilməsi üzrə Beynəlxalq Assosiasiyasının institusional üzvüdür, 2007 və 2019-cu illərdə təşkilatın illik konfranslarına ev sahibliyi edib.
Məqalədə DİM-in 10 illik yubileyi münasibətilə 10 aprel 2026-cı il tarixində Bakıda keçirilmiş “Qiymətləndirmə sistemləri: etimad, şəffaflıq və innovasiya” mövzusunda beynəlxalq elmi-praktik konfrans barədə geniş məlumat verilib.
IAEA-nın yubiley nəşrində DİM-in Assosiasiyanın fəal üzvlərindən biri olduğu və təhsilin qiymətləndirilməsi sahəsində beynəlxalq əməkdaşlığa xüsusi töhfə verdiyi vurğulanıb. Ətraflı məlumatı verilmiş keçiddən əldə etmək mümkündür: https://iaea.info/the-golden-jubilee-newsletter/