68-ci proqram üzrə qeydiyyatdan keçən bakalavrları qabiliyyət imtahanında müşayiət edəcək konsertmeysterlər https://eservices.dim.gov.az/wpfqab/ linki vasitəsilə qeydiyyatdan keçib, konsertmeysterin buraxılış vərəqini çap edə bilərlər.
Konsertmeysterlərin nəzərinə çatdırırıq ki, müşayiət edəcəyi bakalavrın imtahana buraxılış vərəqi çıxdıqdan sonra onlar özləri üçün buraxılış vərəqini çap edə bilərlər. Bir konsertmeyster bir növbə ərzində maksimum üç bakalavrı müşayiət edə bilər.
Konsertmeysterlər əvvəlcə https://ekabinet.dim.gov.az// linkinə daxil olub şəxsi kabinet açmalıdırlar. Şəxsi kabinet açdıqdan sonra https://eservices.dim.gov.az/wpfqab/ daxil olub şəxsi kabinetin istifadəçi adı və parolu daxil etməklə konsertmeysterlərin qeydiyyat sisteminə daxil olmalıdırlar. Sistemə daxil olduqdan sonra ``əlavə et`` düyməsinə basmaqla açılan pəncərədə konsertmeysteri olduğu bakalavrın iş nömrəsini daxil edib ``Axtar`` düyməsini basmaq lazımdır. Bakalavrın məlumatları yükləndikdən sonra “Yadda saxla`` düyməsini basıb məlumatları yadda saxlamaq və çap et düyməsini basaraq buraxılış vərəqini çap etmek lazımdır.
İmtahana gələrkən konsertmeysterlər aşağıdakı sənədləri özləri ilə birlikdə imtahan binasına gətirməlidirlər:
- Şəxsiyyəti təsdiq edən sənədin əsli;
- Konsertmeysterlərin imtahana buraxılış vərəqəsi.