Məlum olduğu kimi, ali təhsil müəssisələrinin magistraturalarına qəbul imtahanları iki dəfə - fevralın 19-da və iyunun 11-də keçirilib.
Hər iki imtahanla bağlı ümumi statistik göstəriciləri və bəzi göstəricilərin ötən il keçirilən analoji imtahanlarla müqayisəsinə aid məlumatları təqdim edirik.
2023-cü ildə keçirilən imtahanlarda, ümumilikdə 24118 bakalavr iştirak edib. Ötən il müvafiq göstərici 20823 nəfər idi.
Bu il bakalavrların yarısının imtahanlarda topladığı bal 53-dən yüksək (median 53.98) olub. Ötən il isə bu göstərici 51 baldan aşağı (median 50.75) olub. Ümumiyyətlə, son illərdə imtahan iştirakçılarının nəticələrinin yaxşılaşdığını qeyd edə bilərik. 2014-2016-cı illərdə 50 baldan yuxarı nəticə göstərənlər imtahanda iştirak edənlərin təxminən 25-32%-ni təşkil ediblər.
Bu il 90 va daha yuxarı bal toplayanların sayı 162 nəfər, 80 və daha yuxarı bal toplayanların sayı 1123 nəfər, 70 və daha yuxarı bal toplayanların sayı 4012 nəfər olub. Ötən il analoji göstəricilər 74, 591 və 2240 nəfər olub. Göründüyü kimi bu il yüksək bal toplayanların sayı kifayət qədər çoxdur.
Xatırladaq ki, imtahanda toplanılan bilən maksimum bal 100-ə bərabərdir. İmtahanda bakalavrlara məntiqi təfəkkür üzrə 50, informatika üzrə 25 və xarici dil üzrə 25 test tapşırığı olmaqla, ümumilikdə 100 test tapşırığı təqdim olunub.
Aşağıdakı cədvəllərdə bakalavrların 2023 və 2022-ci illərdə keçirilən imtahanlarda topladıqları ballar üzrə histoqramlarla tanış ola bilərsiniz.
Magistratura - 2023
Bakalavrların sayı : 24118
Ballar üzrə histoqram
|
Bal intervalları |
Bakalavr sayı (tezliklər) |
| 0 - 30 | 1670 |
| 30 - 35 | 1250 |
| 35 - 40 | 1842 |
| 40 - 45 | 2238 |
| 45 - 50 | 2712 |
| 50 - 55 | 2949 |
| 55 - 60 | 2841 |
| 60 - 65 | 2547 |
| 65 - 70 | 2057 |
| 70 - 75 | 1741 |
| 75 - 80 | 1148 |
| 80 - 85 | 637 |
| 85 - 90 | 324 |
| 90 - 95 | 133 |
| 95 - 100 | 29 |
Magistratura - 2022
Bakalavrların sayı : 20823
Ballar üzrə histoqram
| Bal intervalları |
Bakalavr sayı (tezliklər) |
| 0 - 30 | 1907 |
| 30 - 35 | 1332 |
| 35 - 40 | 1837 |
| 40 - 45 | 2300 |
| 45 - 50 | 2637 |
| 50 - 55 | 2666 |
| 55 - 60 | 2447 |
| 60 - 65 | 1951 |
| 65 - 70 | 1506 |
| 70 - 75 | 1011 |
| 75 - 80 | 638 |
| 80 - 85 | 346 |
| 85 - 90 | 171 |
| 90 - 95 | 60 |
| 95 - 100 | 14 |