DİM pandemiya şəraitində SAT imtahanlarının ölkə ərazisində keçirilməsinə icazəsi olan yeganə SAT Test Mərkəzidir
Dövlət İmtahan Mərkəzində (DİM) 26 sentyabr 2020-ci ildə növbəti SAT imtahanı keçirilib.
İmtahan DİM-in Mikayıl Müşfiq küçəsi 1M ünvanında yerləşən inzibati binasında müvafiq sanitar-gigiyenik qaydalara uyğun təşkil olunub.
Ehtiyat tədbirləri çərçivəsində imtahan binasına daxil olan iştirakçılarının məsafədən ölçə bilən elektron termometrlə bədən hərarətləri yoxlanılıb, zəruri dezinfeksiyaedici vasitələrdən istifadə olunub və imtahan otağında iştirakçıların bir-birindən lazımi uzaq məsafədə əyləşdirilməsi təmin olunub.
Keçirilən imtahanda ümumilikdə 40 yerli vətəndaş və 1 əcnəbi olmaqla 41 nəfər iştirak edib (1 nəfər SAT esse imtahanı verib). İmtahan müddətində xidmət üzrə keyfiyyətin və təhlükəsizliyin təmin edilməsi məqsədilə imtahanın keçirilməsinə dair bütün prosedurlara, həmçinin müvafiq sanitar-gigiyenik qaydalara riayət olunub.
Növbəti SAT imtahanının oktyabrın 3-də keçirilməsi nəzərdə tutulur. SAT imtahanına qeydiyyatdan keçmək haqqında ətraflı məlumatı DİM-in rəsmi internet saytından əldə etmək olar: http://dim.gov.az/activities/exams/sat/