Yoxlama-ölçmə materiallarının işlənməsi departamentinin Orta təhsil üzrə şöbəsində böyük məsləhətçi vəzifəsi üzrə vakansiya elan edilir.
Qulluq funksiyaları:
- Qəbul imtahanı fənlərindən biri üzrə (xarici dil istisna olmaqla) yoxlama-ölçmə materiallarının tərtib edilməsi, ekspertizası və test bankının təftişi işinin təşkili;
- Ümumi metodiki göstərişlərin işlənib hazırlanması;
- Qəbul proqramlarının və model tapşırıqların hazırlanmasında iştirak;
- İmtahan verəcək namizədlərə elmi-metodik köməklik məqsədilə vəsaitlərin – topluların hazırlanmasında iştirak;
- Qapalı rejimdə işlərdə iştirak, müvafiq imtahanlarda sual kitabçalarına daxil olan test tapşırıqlarının qapalı iş rejimində (bunkerdə) yoxlanılması və ekspertizası işinin kurasiya edilməsi;
- Səlahiyyətləri daxilində şöbəyə daxil olan müraciətlərin araşdırılması və cavablandırılması;
- Rəhbərlik, departament müdiri və şöbə müdiri tərəfindən verilmiş tapşırıqların icra edilməsi;
- Müxtəlif təşkilatlara keçirilən işə qəbul imtahanları, müsabiqələrdə istifadə olunan və orta təhsil proqramının məzmununa uyğun gələn tapşırıqların hazırlanması və yoxlanılmasında iştirak;
- Mərkəzin keçirdiyi imtahan, müsahibə və tədbirlərdə iştirak edilməsi (zal nəzarətçisi, imtahan rəhbəri, Mərkəzin nümayəndəsi qismində və s.).
Tələblər:
- Namizədin ali təhsil üzrə ixtisası təhsil ixtisasları qrupuna və qəbul imtahanı fənlərinə (xarici dil istisna olmaqla) aid olmalıdır;
- Vəzifənin qulluq funksiyalarına uyğun ən azı 2 il iş stajı;
- "MS Windows", "MS Office" proqramları, "Internet" və "Outlook" ilə işləmək bacarığı;
- Azərbaycan dili - yüksək səviyyə (rəsmi yazışma və işgüzar üslubda sərbəst), rus və ingilis dilləri -orta səviyyə;
- Pedaqoji ölçmə nəzəriyyəsi, testlərin hazırlanması və ekspertizası metodikası sahəsində dərin nəzəri bilik və praktik təcrübə.
Müraciət qaydası:
Vakansiya üzrə müraciət etmək istəyən şəxslər “Kadrlar uçotunun şəxsi vərəqəsini” dolduraraq mövzu bölməsində “Orta təhsil üzrə şöbə – böyük məsləhətçi” qeyd etməklə 19 sentyabr 2025-ci il tarixinədək vacancy@dim.gov.az elektron poçt ünvanına göndərə bilərlər.